自願醫保四大注意事項

#CKKTIPS 自願醫保計劃目的係鼓勵更多市民自願參與住院保險，長遠減輕公營醫療系統嘅壓力🏨究竟自願醫保計劃同一般醫療保險有咩差別？即刻睇下應該點選擇啦✅

1⃣保證續保至100歲 保險公司當決定批出醫療保險嘅保單時，多數視乎投保人年齡、性別、生活習慣等，從而衡量出要比幾多保費🤲🏻市面上一般醫保設有「每年續保」限制同投保年齡上限，而保險公司就會因應受保人年齡、身體狀況、索償紀錄等，決定係咪繼續承保。不過，自願醫保規定保險公司必須保證續保至100歲，令投保人喺保單生效後唔會被拒保👀

2⃣保障未知的已有疾病 自願醫保嘅保單生效期間，保險公司唔會重新核保投保人健康狀況，並且會將保障範圍擴闊至未知嘅已有疾病、非住院程序，包括內窺鏡同精神病住院治療等💉

3⃣不設終身保障上限 此外，自願醫保不設終身保障額上限，如果今年用咗部分限額作為手術或相關醫療開支，下年賠償上限會回復至42萬元，而唔似一般醫保中，每次治療或每項傷病設有賠償限額，以及需要扣減終身保障限額💵

4⃣享有一次轉保機會 保險公司必須提供至少一次機會，讓現有保單持有人選擇轉去自願醫保。在轉保的過程中，受保人有需要披露個人最新身體狀況，以便保險公司重新核保，如被拒保，受保人仍可選擇以舊有保單繼續受保📃

投保人應該視乎個人負擔能力，按實際所需同財政能力來選擇合適嘅自願醫保計劃👍🏻