四大旅行前不能省的花費

#CKKTIPS 新年有假期，外遊就是常識吧！不過，喺你旅行之前一定要花小小時間睇下 「4大旅行前不能省嘅花費」！ 做足準備之後，相信你呢趟旅程就飛得更安心，玩得更放心，成程都好鬼FUN😆 各位，我哋新年後再見啦！ . 1⃣配備平安藥 出門旅行好容易水土不服，如果旅行目的地嘅醫療服務唔好，後果真係不堪設想🤢所以千祈唔好慳配備平安藥嘅錢，大家可以去搵相熟嘅家庭醫生配備，處方一啲合適嘅應急藥物，例如感冒藥、腹瀉腹痛用藥等。到時就算真係病咗，都有啲藥傍下身💊 . 2⃣旅遊保險 旅行總會遇到好多無法控制嘅因素，無論係航班延誤、取消，行李丟失、意外受傷等等💣 寧願比少少錢買份旅遊保險，可以避免呢啲因素所引致嘅經濟損失，如果你計畫緊別具意義嘅旅行，就更加應該買個保障☝🏻 . 3⃣海外網絡 旅遊外出點少得穩定嘅網絡？除咗要幫屋企人同朋友做代購之外，最重要就梗係要影相打卡啦📸 而且去到外國人生路不熟，長期都要上google map 搵路，或者用d 鐵路apps 咁，所以好多人會揀買SIM卡或者租WiFi蛋。只要花少少錢，就可以解決許多小型緊急事件💡 . 4⃣行李箱 大家千祈唔好忽視篋嘅重要性，因為航空公司喺運送行李途中會不時發生掟爛篋情況🌚如果要追討賠償就諸多阻滯，破壞晒去度假嘅心情。所以記住唔好著重行李箱嘅外觀多於實用性呀，輕身、好推、容量大先至係皇道👑 . 講到尾我哋都係想你去旅行是做足準備，去得安心啫！如果你都係一個好喜歡旅行嘅朋友請你必須留言：👉🏻👉🏼👉🏽「Let's go」