四大強積金注意事項

#CKKTIPS 各位打工仔都無可避免要參加強積金供款計劃，雖然強積金供款數目唔算多，只係佔每月人工 5%，但我哋都唔應該忽略咗基金表現👓畢竟呢啲供款係退休資產嘅一部分，無理由令到自己辛辛苦苦搵返來的錢就咁白白蝕咗！

如果你開始想管理吓強積金，但又唔知從邊度入手，係時候睇真啲啦✌🏻如想進一步了解妥善管理強積金方法？立即留言：「NEED」🗣 . 1⃣統一管理戶口？ 而家唔少打工仔都唔會只喺一間公司做到老，兩三年轉一次工係正常不過嘅事🔍 不過，香港有多達18間強積金管理公司，人人都可能有好幾個強積金公司戶口，管理混亂之餘仲就可能為自己增添額外管理費用👀 所以，整合統一強積金供款係最划算。 . 2⃣依年齡決定風險？ 唔少人都會考慮，到底高風險定低風險比較啱自己

一般而言，如果年輕人家庭負擔較低，承受風險嘅能力就較高，可以考慮選擇中至高風險嘅基金比例，例如單一的國家股票基金。相反，如果你年紀較大，或想謹慎行事，就可以選擇保守型嘅基金組合，例如環球債券。 . 市面上有一條公式比大家計算投資比例，簡單來講就係以100減自己年齡，就可以得出建議股票基金佔整體比例。不過，呢個只係粗略參考指標，大家決定前都要考慮清楚 . 3⃣ 回報非唯一考慮？ 閱讀基金概覽時除左要留意年度化回報，即1年期、3年期、5年期、10年期同基金成立至今嘅年度回報外，亦應該留意基金開支比率，即係基金總開支佔基金資產值嘅百分比✍🏻 一般而言，比率越低，供款就越有機會攞到更大投資效益。 . 4⃣ 年度表現總結表？ 要定期檢查強積金基金組合係咪適合自己，就要識得睇周年報表，即係每年強積金嘅成績表，咁就可以根據唔同基金表現作出投資比例嘅調整，或者選擇其他表現較好嘅基金🙌🏻 . 法例規定，強積金公司必須喺強積金計劃每個財政期完結後三個月內提供年度表現總結表🗂大家可以喺積金局網站「公開紀錄冊」一欄內嘅「註冊強積金計劃及成分基金」或者向強積金公司查詢你嘅財政期終結日。