儲蓄保險.四大貼士

#CKKTIPS

上一次就同大家分享過人壽保險；

今次就同大家講吓「儲蓄保險」啦！

1.儲蓄保險

儲蓄保險係一個定期定額嘅供款計劃，而你將資金交俾保險公司之後，保險公司就會投資係公司預設了的資產組合入面，再由公司保證全部或一部份嘅回報。係保單期滿之後，你可以拎返本金、利息回報等等。

2.儲蓄計劃種類

市面上嘅儲蓄保險計劃，大致上分為短期、中期、長期；「短期」係指供款期同埋保證回本期較短嘅儲蓄計劃、「中期」係指供款期大概六至十年、「長期」係指供款期大概十年以上。

而當中選擇邊一種嘅儲蓄計劃，就要視符唔同人嘅需求；例如：打算成家立室、買樓或者供養子女升學等等，可能就比較適合選擇「中/長期儲蓄保險計劃」作為其中一種嘅理財工具。

3.我適合儲蓄保險?

儲蓄保險規定咗投保人需要定時供款；而當保單完結之後，先可以一筆過拎返本金連利息，所以絕對適合一啲無定期儲蓄習慣嘅朋友，協助佢哋建立良好嘅定存系統！另外，儲蓄保險好多時已經鎖定咗未來幾年嘅保證回報；所以，如果係有多餘資金，或者係無時間去打理自己投資組合嘅朋友，都適合撥出部分資金去做儲蓄保險，為自己財富增值一下。

4.風險

儲蓄保險計劃最大嘅風險就是如果你要提早贖回資金，係有可能會導致到損失；所以係投保前，一定要考慮埋時間，你所選擇嘅儲蓄計劃嘅供款年期同供款金額是否自己能接受，咁就唔會因為要提早贖回資金，而得不償失。始終儲錢最緊要舒服，記住勉強無幸福呀！

另外，您要留意開設儲蓄計劃嘅非保證分紅，有幾非保證！因為有啲儲蓄計劃嘅非保證分紅中嘅實現率可能只有40-50%，但有啲公司嘅儲蓄計劃又可以達100-110%不等！所以投保前都要多加注意。

其實，現時保監局已經規定各大保險公司/銀行為每一個理財嘅產品公開其紅利實現率，咁樣大家就可以對非保證紅利/花紅/分紅哩一部份，一目了然啦！

如果大家對「儲蓄保險」有啲咩問題/想法，可以inbox我哋，等我哋一一解答你。

=========================

⬇了解CKK TEAM更多⬇

Instagram：ckklife http://bit.ly/2oy22hc

Facebook：ckklife http://bit.ly/2p7xYci

Youtube：Ckk Team http://bit.ly/2lFXe8d

=========================

⬇了解Leader Keith更多⬇