新學年．半工讀

#CKKTIPS

話咁快就到九月啦！各位學生哥，準備好未？

準備好又要返學又要返part-time嘅瘋狂人生未呢？

不如等CKKLIFE話你知，四個點樣可以平衝到哩個半工讀瘋狂人生嘅小貼士啦！

1. 都明白大家又要還關窿，又要支付自己嘅衣食住行，仲要儲吓錢去旅行；但對學生嚟講，打工可能會影響到學習，特別係D ESSAY同PAPER多到爆。問題關鍵係要了解自己每月嘅收入和支出。你可能發現，即使打D工，同樣能夠應付所有支出。

2. 在決定半工讀前，你需要了解自己每周可以打工幾多個鐘。因為一旦工作開始，就很難調整工時。唔好因爲想搵多D，而瘋狂返part-time，而搞到又走堂又唔交功課，連MID-TERM、考試都唔得閒搵書

3. 認真安排你嘅日程係防止意外嘅關鍵。你需要對所有嘅重要日期，例如ESSAY DEADLINE、考試日等做到心中有數。咁你先可以安排相應嘅計劃；如果你可以提前告知老細和其他同事你邊一日重要日子返唔到，咁請假或調更就唔洗咁痛苦啦。

4. 返學同返工可能佔咗你大量嘅時間，令你忘記休息。要知道安排休息時間係好重要。不停地工作同學習，長遠嚟睇，會對你的學習效果產生負面影響。因此，俾自己留返D娛樂休閒時間。同朋友一起出去玩吓，買吓野俾自己做獎勵品等等。

希望以上四大點子都可以幫到大家你去平衝到半工讀瘋狂人生，快啲同你嘅同學分享等佢都平衡吓。