秋天舒緩鼻敏感小貼士

#CKKTIPS

上兩星期已經立秋啦，鼻敏感又發作？ 等CKKLIFE話你知四個舒緩鼻敏感小貼士啦！ 1. 辛辣食物可以驅散風寒，因們當中含有活性成分有暫時減充血嘅作用，有助稀薄鼻粘液。 不過就唔好食過量啦，只要食少少就可以減輕鼻敏感症狀。 2. 吸蒸氣可以短暫舒緩鼻塞，蒸氣有助減退鼻水，不過蒸氣唔可以過熱，因為太熱就會好容易灼傷皮膚同鼻腔。不過吸蒸氣作用比較短暫，所以好容易就會再鼻塞。除咗吸蒸氣之外，熱毛巾敷鼻同沖個熱水涼都有舒緩鼻敏感。 3. 用生理鹽水清潔鼻腔，可減少內分泌物同減低炎症作用，絕對有效紓緩鼻敏感。除咗坊間嘅洗鼻鹽水，都可以選擇自製生理鹽水，用與體溫相等嘅蒸餾水，加入每100ml水加0.9克嘅純天然海鹽，也可以自己喺屋企洗鼻。不過大家記得清洗鼻時，口要保持張開，鼻敏感嚴重時早晚洗鼻就可紓緩不適症狀。 4. 多食啲含豐富維他命C嘅水果同蔬菜以加強免疫系統，減少過敏反應。此外，大家都可以選擇有胡蘿蔔素嘅食物，比如南瓜、蘿蔔等，以保護鼻黏膜表皮細胞。食一啲含益生菌嘅乳酪都有助增強抵抗力。 相信以上四大點子都可以幫到大家你秋天舒緩鼻敏感問題，快啲同你身邊有鼻敏感嘅朋友分享下啦。