絕對令你洗突嘅4大心理特質

#CKKTIPS #即刻睇下自己有冇中晒以下4大特質💸💰

1）人有我有👯‍♀

有一種消費者在乎“你有我有要得有”嘅心態。例如見到其他人買新款手機、貴重首飾，自己無就覺得周身唔舒服，於是唔理係咪需要或者划算都要買。 正所謂“心不平而氣不和”，人往往只睇到自己比上不足，就會產生不平之氣。有時不妨往下看，發現自己比下有餘，先有幸福感！仲要提醒自己，與其喺購物上攀比，不如比工作、比事業。

2）明星效應👨‍🎤

明星宣傳策略之所以創造出市場迴響，在於公眾對明星形象嘅崇拜。人都有一種愛屋及烏嘅心理，所以遇到明星代言嘅商品，會毫不猶疑咁買。我哋可以崇拜偶像人格、處世之道，甚至長相，但唔應該任何方面都追求同佢哋一致。與其追逐虛無縹緲嘅明星，倒不如將身邊能幹嘅人當作偶像，比人生一個明確的目標。

3）怕後悔 諗住唔適合就退貨👜

每個人做決定時都會有恐懼感，怕用左一筆錢就後悔。唔少商戶推出“30天內無條件退貨”規定，都係為咗令消費者能夠後悔，後悔得起，從而肯花錢購物。 商家嘅手法固然係投消費者所好，提供安全感，但都係一種促進消費嘅伎倆。有調查顯示，唔少消費者買一堆用唔著嘅嘢，但因為怕麻煩而放棄咗退換商品嘅權利。消費者一定要保持頭腦清醒，按實際需要先購買。

4）佔便宜 少花錢就值得💸

日常生活中，有種人只要見到促銷、抽獎、特價等字眼就被吸引。商家經常利用呢種心理設陷阱，比如提高原價再打折，大家用多咗錢但認為執到寶，心理會非常滿足。 愛佔便宜的人往往佔有慾強，得到小便宜就會產生滿足感，久而久之會潛移默化地影響自己消費行為，令消費更加不理性！